നാനാ വിധത്തിലുള്ള ക്ഷേമ പ്രവർത്തനങ്ങൾ

ഗവണ്മെന്റ് താലൂക്ക് ആശുപത്രിയിൽ കുറഞ്ഞ നിരക്കിൽ ലബോറട്ടറിപരിശോധന നടത്തുന്നതിന് ബാങ്ക് 6.25 ലക്ഷം രൂപ ചിലവഴിച്ച് തൈറോയ്ഡ് ഹോർമോൺ അനലൈസർ മെഷീൻ വാങ്ങി നൽകി. കടയ്ക്കൽ കുമ്മിൾ ഗ്രാമപഞ്ചായത്തുകളിൽ വരൾച്ചാകാലങ്ങളിൽ കുടിവെളളം ജനങ്ങൾക്ക് എത്തിച്ച് കൊടുക്കുന്നതിനായി ബാങ്ക് വാട്ടർ ടാങ്കുകൾ (2014ൽ 1 ലക്ഷം രൂപയ്ക്കും 2017 ൽ 80000 രൂപയ്ക്കും) വാങ്ങി നൽകി. കുമ്മിൾ ഗവ. ഹയർസെക്കന്ററി സ്കൂളിൽ സ്റ്റുഡന്റ് പോലീസ് കേഡറ്റ് സംവിധാനം ഒരുക്കാൻ ഒരു ലക്ഷം രൂപയും കടയ്ക്കൽ ഗവ: ഹയർസെക്കന്ററി സ്കൂളിന് ഫർണിച്ചറിന് 80000 രൂപയും കടയ്ക്കൽ ഗവ: യു.പി.എസിന് ഓഡിറ്റോറിയം നിർമാണത്തിന് 50000 രൂപയും ഇക്കഴിഞ്ഞ നാല് വർഷത്തിനിടയിൽ നൽകി. ഓരോ വർഷവും SSLC-Plus 2 ഫുൾ A+ കിട്ടുന്ന, ബാങ്ക് പ്രവർത്തനമേഖലയിലെ സ്കൂളുകളിൽ പഠിക്കുന്ന മുഴുവൻ വിദ്യാർത്ഥികൾക്കും ക്യാഷ് അവാർഡ് മുടക്കംകൂടാതെ നൽകി വരുന്നു. ഈ ഇനത്തിൽ പ്രതിവർഷം 1,25,000 രൂപയിൽ അധികം നൽകി വരുന്നു. ബാങ്ക് നടത്തിവരുന്ന നീതിമെഡിക്കൽ സ്റ്റോറിലെ വാർഷിക വിറ്റുവരവ് 3 കോടി രൂപയാണ്. ഇതിലൂടെ സബ്‌സീഡിയായി പ്രതിവർഷം 15 ലക്ഷം രൂപയ്ക്ക് മുകളിൽ ജനങ്ങൾക്ക് ലഭിച്ചുക്കൊണ്ടിരിക്കുന്നു.